Kompirmado na ang sunod nga destinasyon ni Justin Brownlee.
Ang Gilas Pilipinas naturalized player nakatakda nang moduwa sa Pelita Jaya Basketball Club sa Indonesian Basketball League (IBL).
Gianunsyo kini sa Pelita Jaya ning Huwebes, Marso 21, 2024 sa social media.
“You-know-who. Give a warm welcome to Justin Brownlee,” mensahe sa Pelita Jaya sa Instagram Reel nga napatik sa www.abs-cbnnews.com.
Gipaabot nga moduwa na’g sugod si Brownlee isip import sa Pelita Jaya ugma, Marso 23, 2024 batok sa RANS Simba Bogor.
Ang presensya ni Brownlee gilaumang makatabang og dako sa kampanya sa Pelita Jaya, nga kasamtangang naggunit og 7-1 nga rekord.
Si Brownlee, kinsa resident import sa Brgy. Ginebra Gin Kings sa Philippine Basketball Association (PBA), nag-average og 21 puntos ug 10 ka rebounds dihang nagduwa kini sa Gilas sa miaging first window sa 2025 FIBA Asia Cup Qualifiers. / ESL