Natupngan ni Jalen Brunson ang New York Knicks franchise record ni Hall of Famer Patrick Ewing dihang nakamugna siya og 30 puntos o labaw pa sulod sa 18 ka mga duwa sa playoffs sa National Basketball Association (NBA).
Nahitabo kini atol sa makapakaging nga overtime nga pilde sa Knicks batok sa Indiana Pacers, 135-138, sa Game 1 sa Eastern Conference finals series sa 2024-25 season.
Ning maong duwa, nakamugna og 31 puntos si Brunson.
Sa iyang ikatulong tuig, naagak ni Brunson ang Knicks sa conference finals sa labing unang higayon gikan niadtong 2000. / Gikan sa wires