Sa wala’y pagduhaduha, napili si New York Knicks guard Jalen Brunson isip Eastern Conference Finals MVP sa 2025-26 National Basketball Association (NBA).
Igo ra man tuod nakahimo og 16 puntos si Brunson dihang hingpit nga gibutlogan sa Knicks ang host Clevelend Cavaliers sa ilang conference finals, 4-0, pinaagi sa dominasyon sa Game 4 sa Martes, Mayo 26, 2026 (PH time), apan ang iyang mga numero nga narehistro sa kinatibuk-ang series igo na kaayo aron makuha niya ang pasidungog.
Si Brunson nag-average og 25.5 puntos ug 7.8 assists ning best-of-seven series. / Gikan sa wires
