Ang kanhi pro player sa National Basketball Association (NBA) ug karon usa na ka coach si God Shammgod nipadayag sa iyang kasinatian diin nakakita siya nga gi-bully ang legend nga si Kobe Bryant tungod sa pagkopya niini kang Michael Jordan.
Gibutyag ni Shammgod nga 16-anyos kaniadto si anhing Bryant og niapli og basketball youth camp.
“He was walking like Jordan, talking like Jordan,” sigon niya Shammgod sa interbiyu.
Ang impersonation ni Bryant wa daw mauyoni sa mga nisalmot sa camp nga niresulta sa sungog ug ang uban ni-bully pa ni Bryant.
Apan nidayeg gyud si Shammgod kay wa magpaapekto si Bryant niini.
Tuod nahimong superstar sa iyang henerasyon si Bryant, 5-time NBA champion, scoring champion, season MVP, finals MVP, 18-time NBA All-Star, usa sa greatest of all time players, ug nahimong inspirasyon sa batan-on nga players. Si Bryant namatay sa usa ka helicopter crash tuig 2020. / RSC