‘Buang misunog’ sa merkado; P11 danyos

‘Buang misunog’ sa merkado; P11 danyos
NAUGDAW: Ang merkado publiko sa Brgy. South Poblacion, lungsod sa San Fernando, alas 3:05 sa kaadlawon, Huwebes, Hulyo 11, 2024, nga nasunog. Dario V. Gil

Nasikop ang usa ka hamtong nga lalaki nga suspek sa pagsunog sa merkado publiko sa South Poblacion, lungsod sa San Fernando, habagatang Sugbo alas 3:05 sa kaadlawon, Huwebes, Hulyo 11, 2024.

Kini ang gibutyag ni SF01 Stephen Villanueva, fire investigator sa Bureau of Fire Protection (BFP) sa San Fernando nga gikahinabi sa Superbalita Cebu.

Matod ni Villanueva nga dunay nakasaksi kang alyas Andoy atol sa pag-ulbo sa kayo nga nigawas sa vegetable section sa 2nd floor sa building nga unang nasunog nga nagbitbit og lighter.

Ang duha ka karaang ground floor building sa merkado publiko naa nahimutang sa South Poblacion sa lungsod.

Nikatap ang kayo sa ground floor sa building nga daghan ang mga baligya nga ready-to-wear (RTW) ug mga plastic ware ug uban pang mga baligya nga mga kagamitan sa balay.

Sumala ni Villanueva, si Andoy dunay kasinatian nga nisuway sa pagsunog sa ilang ancestral house sa milabay nga katuigan sa North Poblacion.

Si Villanueva nakig-ala­yon na sa kapulisan sa San Fernando aron matanggong si Andoy aron di na subli nga makasunog.

Ang maong sunog sa duha ka andanang merkado nagsugod alas 3:05 sa kaadlawon ug napasaka ngadto sa 4th alarm nga girespondihan usab sa mga kasikbit nga fire fighter gikan sa lungsod sa Sibonga, mga dakbayan sa Carcar, ug Naga.

Nakontrolar ang kayo sa alas 5 sa buntag ug gideklarar nga fire out sa alas 5:19 sa buntag

Matod ni Villanueva nga may 80 ka mga tenant ang nangaapektuhan ug P11 milyunes anggi bana-banang danyos. /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph