Padayon ang panghinaot ni Milwaukee Bucks coach Doc Rivers nga makabalik ra pagduwa sila si Giannis Antetokounmpo ug Damian Lillard gikan sa pagkaangol sa dili pa mahuman ang ilang pagpakibatok sa Indiana Pacers sa Eastern Conference 1st round playoffs series sa National Basketball Association (NBA).
Sa kasamtangan, naggukod ang Bucks sa best-of-seven series, 2-3.
Ning Biyernes, Mayo 3, 2024 (PH time), laing pagpakabuhi nga misyon maoy sagubangon sa Bucks sa Game 6 apan wala pa’y klaro kon makaduwa ang ilang duha ka superstars. / AP