Buhatan sa CPD 7 ibalhin sa Guadalupe

Cebu City map.
Cebu City map.

Ibalhin ang buhatan sa Com­mission on Population and Development (CPD 7) o mas nailang Population Commis­sion (PopCom) ngadto sa la­ing luna sa Kapi­tolyo sa Brgy. Guadalupe.

Ang groundbreaking gikatakda karong Abril sa 1,008 metro kwadrado nga bag-ong buhatan sa CPD 7 sa DA Compound sa Dan M. Velez, dakbayan sa Sugbo.

Sa kasamtangan, ang CPD 7 nag-okupar sa 501-square meter nga luna sa Kapitolyo sa Barangay Banilad.

Mao kini ang gipahibalo sa Cebu Provincial Information Office human sa tigom nila ni Cebu Governor Gwendolyn Garcia, Undersecretary Lisa Grace Bersales ug CPD-7 Director Atty. Bruce Ragas sa Kapitolyo.

Pormal nga nagpasalamat si Bersales sa gihatag nga pabor sa Kagamhanan sa Probinsya aron mahatagan og luna nga kabalhinan ang CPD sa luna nga gipanag-iya sa Kapitolyo.

Ang CPD usa ka ahensya nga konektado sa National Economic and Development Authority (Neda) nga maoy mangulo sa pag gama og mga palisiya ug paghimo og lakang ug mga programa alang sa population sa nasod.

Una nang nipadayag ang Kapitolyo sa tinguha niining palambuon ang luna niini sa Banilad ilabi na nga gipaubos na ang ma­ong lugar sa Commercial II gumikan sa kaduol niini sa Cebu IT Park, usa ka progresibong lugar ilabi na sa mga negosyante.

Sa Oktubre sa miaging tuig, atol sa adlaw’ng natawhan sa gobernador, nilagda og ka­sa­butan ang lima ka mga ahen­sya tali sa Kapitolyo aron pag-relocate sa mga opisina nii­ni sa mga luna nga gipanag-iya sa Kapitolyo. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph