‘Buhing Kalbaryo’ himuong musical play

‘Buhing Kalbaryo’ himuong musical play

Sa umaabot nga Semana Santa, adunay mga kausaban sa pagpasundayag sa “Buhing Kalbaryo 2024” aron mapalambo ang espirituhanong debosyon sa mga Sugbuanon sa dula sa Biyernes Santo sa Marso 29, 2024.

Sa interbyo niadtong Martes, Marso 19, 2024, si Elmer “Jojo” Labella, kinatibuk-ang creative ug artistic consultant sa “Buhing Kalbaryo 2024”, niingon nga mas nindot kini tungod kay ang organizers modugang og musical play.

Siya nidugang nga mas daghang biblikal nga mga asoy nga dili bahin sa miaging Biyernes Santo nga dula ang ipuno aron makadugang sa konteksto sa tinuig nga paghulagway sa “Passion of Jesus Christ.”

Gikatakdang sugdan ang dula sa alas 10 sa buntag sa Archdiocesan Shrine of San Nicolas de Tolentino Parish Grounds.

Usa ka Via Crucis mahitabo sa V. Rama Avenue ug matapos sa Espina Compound sa Barangay Guadalupe.

Kaniadtong 1997 sa dihang ang unang “Buhing Kalbaryo” napahigayon sa entablado sa dihang si incumbent City Mayor Michael Rama konsehal pa sa dakbayan.

Ang dula gi-produce pinaagi sa pakigtambayayong sa local creatives ug kang anhing Monsignor Esteban Binghay, ang kanhi kura paroko sa Our Lady of Guadalupe Parish.

Sulod sa katuigan, ang Buhing Kalbaryo nahimo’ng kabahin sa tradisyon sa Semana Santa sa mga Sugboanon. / EHP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph