Nilanat sulod sa upat ka oras una naibot ang bukton sa 15 anyos nga lalaki sa dihang naungot sa puthaw nga drainage grate nga nahimutang sa dalan Plaridel, Barangay Sto. Niño, Siyudad sa Sugbo, pasado alas 5:00 sa sayo sa buntag, Huwebes, Hunyo 5, 2025.
Namasin ang batan-on nga usa ka mamasurahay nga makapunit og mga sinsiyo nga nangahulog sa maong drainage.
Asoy sa kauban sa maong batan-on nga kanunay sila mamunit og sinsiyo sa mga kanal hinungdan nga naabot sila sa maong sitwasyon.
Tungod sa kalisod sa sitwasyon, ang Special Rescue Force (SRF) nigamit na og mga specialized extraction tools sama sa battery-operated spreader, hydraulic cutter, reciprocating saw, ug manual metal saw. Niabag sab ang Burea of Fire and Protection ug mga sakop sa Cebu City Disaster Risk Reduction and Management Office.
Mga alas 5:00 pasado sa buntag gipasulod sa maong batan-on sa iyang bukton ug naabtan og alas 9:51 sa buntag una hingpit nga nabunlot ang iyang nanghubag nga bukton. / JDG