Usa ka 25 anyos nga lalaki gipusil sa iyang silingan sa Sitio Candaya, Barangay Linao, siyudad sa Talisay, ala 1:30 sa kaadlawon, Dominggo, Disyembre 17, 2023.
Sumala sa tinubdan sa Superbalita Cebu, ang biktima mao si Alfredo Del Valle alyas Ogis, 25, ulitawo ug taga Sitio Candaya, Brgy. Linao sa Talisay.
Matod pa, alas 10:30 sa gabii sa Sabado, Disyembre 16, si Ogis hubog ug nagkalalis sa iyang igsuon nga babaye sa wa pa matino nga hinungdan.
Ug iyang gitiunan og sundang ang iyang igsuon nga babaye ug nidagan kini sa balay sa ilang silingan nga si Zaldy Pacquiao ug gisirhan ang pultahan.
Si Ogis grabing pangisog ug iyang gitigbas ang pultahan sa balay ni Pacquiao kay iyang tigbason ug patyon ang iyang igsuong babaye.
Mao kini ang hinungdan nga gipusil kini ni Pacquiao sa lima ka higayon tungod sa iyang giingong kahadlok nga tigbason sila.
Si Ogis gitabang ug gidala pagdala sa Minglanilla District Hospital.
Samtang si Pacquiao nisibat ug wa pa madakpi sa mga polis sa Talisay atol ning pagsuwat.