Burden namatay

Burden namatay
Rowena Burden Facebook Page

Si Dr. Rowena Burden, 58, namatay tungod sa cardiac arrest sa Biyernes sa buntag, Disyembre 15, 2023.

Si Burden usa ka aktibista, medical doctor, ug nailhan nga kritiko ni Cebu Governor Gwendolyn Garcia.

Si Garcia nipasaka batok kaniya og mga kasong cyber libel tungod sa mga Facebook post sa doktor.

Gidakop si Burden apan nakapiyansa ra sa iyang mga kaso.

Daghan sa mga kauban ni Burden ug mga kabanay ningpahasubo sa pamilya sa doktor pinaagi sa social media.

Ang iyang pag-umangkon nga si Kristian Burden nikompirmar sa iyang Facebook page sa kalit nga kamatayon sa iyang iyaan.

“Kalit kalit kaayo ganihang buntag,” tubag niya sa usa sa mga comments sa post sa Biyernes.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph