Moabot ngadto sa 15 ka mga pasahero sa Southern Star Bus ang nangaangol human nalimbuwad sa giila nga man-made forest nga nahimutang sa National Highway sa Loay-Carmen road sa Barangay Villa Aurora, Lungsod sa Bilar, Probinsiya sa Bohol alas 8:45 sa buntag, Martes, Hulyo 29, 2025.
Ang maong bus dunay plate number JVL 125 ug body number nga 12076 nga gimaneho ni Jernel Alcantar Cagosale nga taga Upper Tambis, Loboc, Bohol nga naa sa kustodiya sa Bilar Municipal Police Station.
Ang imbestigasyon sa Bilar Police Station nagbutyag nga samtang nagdagan ang maong bus paingon sa Lungsod sa Loboc kalit nga niikis ang dagan.
Gumikan sa kakusog sa impact ang mga pasahero nga naa sa sulod sa bus ang nakaangkon og mga bun-og sa kalawasan maayo na lang nga walay bisan usa kanila ang nakabsan sa kinabuhi.
Tungod sa maong insidente, ang driver nikaratil sa pagdagan palayo sa maong dapit diin nahitabo ang disgrasya.
Nitahan diay siya sa kapulisan sa kahadlok nga tabangan sa pagkulata sa iyang pasahero.
Dali nga naabot ang mga personnel sa Bilar Search and Rescue Unit aron hatagan og first aid ang mga pasahero nga nangaangol.
Nagpadayon sa ilang imbestigasyon ang kapulisan labot sa maong insidente.
Kasong Reckless Imprudence Resulting in Multiple Physical Injuries and Damage to Property ang atubangon nga kaso sa driver nga si Cagosale. / AYB