Caitlin Clark nagdilaab sa WNBA

Nibalik pagduwa si Caitlin Clark ug wala kini maglangan sa pagpakita sa iyang abilidad.

Human sa lima ka duwa nga pahulay tungod sa quadriceps injury, nibalik nga ga-asoaso ang kamot ni Indiana Fever superstar pinaagi sa iyang 32 puntos aron dalhon ang Fever sa 102-88 upset win batok New York Liberty sa Gainbridge Fieldhouse sa Indianapolis, niadtong Domingo, Hunyo 15, 2025 (PH time) sa Women’s National Basketball Association (WNBA).

Nibuhat og 25 puntos si Clark sa unang duha ka quarters. Nakahimo siya og pito ka tres nga nitupong sa iyang career high.

Ang Fever nipapas sa ilang franchise record nga most-three-pointers in a game nga 17 ka buok. Gihimo pa kini nila batok sa defending champions New York. / RSC