Giawhag sa Commission on Elections (Comelec) 7 ang canvassing boards sa tibuok rehiyon pagbutang og LED screens o projectors gawas sa canvassing centers aron hatagan og kahigayunan ang publiko nga mosaksi sa proseso sa pag-ihap sa mga balota nga dili kinahanglan mosulod sa restricted areas.
Matod ni Comelec 7 Regional Director Atty. Francisco Pobe atol sa interview sa Huwebes, Mayo 8, 2025, kadto lang mga awtorisado ang makasud sa canvassing venues sa higayon nga sugdan na ang official counting.
“The public is not allowed inside the canvassing area. Only official representatives, one or two of each slate—such as accredited poll watchers and legal counsels—are permitted, provided they have proper documentation issued by the Commission,” matod ni Pobe.
Magsilbing board of canvassers ang local comelec ug Department of Education.
Iyang gipasabot nga ang mga supporter sa mga kandidato gidid-an nga mosud sa venue aron di maghuot ug makasamok.
Giklaro sab ni Pobe nga ang mga sakop sa pamilya sa kandidato mahimong pasudlon apan case-to-case basis.
“Family members can be allowed, but it depends on the available space and the discretion of the chairman of the board of canvassers. If there’s room and it won’t disrupt the process, then they may be accommodated,” dugang niya.
Aron pagseguro nga makakita gyud ang publiko, gidasig ni Pobe ang mga local government unit ug election officers nga magbutang og viewing areas gawas sa canvassing centers.
“We want to maintain transparency while also managing the crowd. That’s why we’re encouraging the use of projectors and LED walls outside, so people can still watch,” ingon ni Pobe.
Sukad niadtong Huwebes, masaligon siya nga ang pagpangandam sa Region 7 hingpit nang nakumpleto.
"We’re 100 percent ready. Everything is in place, we’re just waiting for May 12,” panapos ni Pobe. / CAV