Nagkanayon si American Ramon Cardenas nga dugay ra niyang gipangandaman ang pagpakig-away ni super bantamweight undisputed champion Japanese Naoya “Monster” Inoue.
Ang bunga sa pagpangandaman ni Cardenas iyang ipagawas tanan inig harong niya ni Inoue karong Mayo 4, 2025, sa T-Mobile Arena sa Las Vegas, USA.
“I’ve been mentally preparing to fight Inoue for a long time,” matod ni Cardenas nga napatik sa www.boxingscene.com.
“I knew I'd eventually get a big fight if I kept winning. And here we are, a shot at the undisputed champion of the world.”
Gipasabot ni Cardenas nga dihang gipangutana siya sa iyang manager kon andam ba siyang makig-away ni Inoue, wala siya magmakuli sa pagtando.
“I had to jump at it,” matod ni Cardenas.
Ang trainer ni Cardenas nga si Joel Diaz masaligon nga modaog ang iyang batos ning away.
“If Ramon catches Inoue with either the right or the left, he will hurt him. We know that Inoue can be hurt,” asoy ni Diaz.
Si Cardenas adunay 26-1, 14KOs nga rekord samtang si Inoue adunay 29-0, 26KOs nga baraha. / ESL