Mga top shooters sa Luzon, Visayas ug Mindanao magtigi sa umaabot nga Philippine Shooters Match Officers Confederation (PSMOC) Shooters Olympic 2024 nga ipahigayon karong Marso 14-17, 2024 sa Wonderland Shooting Rance sa Barangay Agus, Lapu-Lapu City.
Langkuban sa 29 ka stages (12 handguns, 12 PCC ug lima ka 3-gun stages) ang kombatihon sa competition.
Isip pagpangandam, ang Sugboanon nga si Saul Kelvin Carrillo, champion sa International Defensive Shooting Association ug champion usab sa Philippine Practical Shooting Association nisalmot sa 1st CVR X Governor’s Cup sa Talisay Aqua Gun Club Inc.
Malaumon ug positibo si Carillo nga makapakita og maayong labok ug makahatag og igong dungog sa mga Sugboanon nga iyang girepresentahan ning maong panagtigi.
Si Carillo anak sa beteranong broadcaster sa Sugbo nga si Jun Carillo.