Midugang si Carlos Yulo sa iyang koleksiyon sa medalya og duha ka bronze sa 2025 Artistic Gymnastics Asian Championships nga gipahigayon sa Jecheon, Korea niadtong Domingo, Hunyo 8, 2025.
Nidaog si Yulo og bronze sa vault ug parallel bars, nga nadugang sa iyang gold medal sa floor exercise niadtong Sabado ug bronse sa individual all-around. Sa miaging tuig sa Tashkent, naghari si Yulo sa gold sa duha ka maong events.
Sa vault, nakakuha siya og 14.333 puntos—ang parehas nga event diin siya reigning Olympic champion—apan wala kini ikatupong sa 14.500 ni Olfati Mahdi sa Iran ug 14.400 ni Huang Mingqi sa China.
Sa parallel bars, nakakuha si Yulo og 14.166 puntos, apan gilamangan kini ni Oka Shinnosuke sa Japan, kinsa nakadaog og 14.700 puntos. Si Tsunogai Tomoharu, usab gikan sa Japan, nakapwesto sa ikaduhang dapit uban sa kaparehong puntos ni Yulo nga 14.166, apan mas taas ang execution score sa Japanese.
Wala naapil si Yulo sa podium sa horizontal bar human siya makapwesto lang sa ikapito uban sa iskor nga 12.000 — kini ang iyang unang kompetisyon sukad sa iyang duha ka gold medal wins sa Paris Games.
Si John Ivan Cruz, usa pa ka Pinoy gymnast, nakakuha og 14.150 puntos sa vault ug napwesto sa ikaunom. / RSC