Carmen andam na

REGIONAL FINALS: Nagpahulagway ang mga nagpasiugda ug coaches sa Batang Pilipino Basketball League (BPBL) Regional Finals Season 2 human sa press conference kagahapon, Enero 24, 2024, sa Municipality of Carmen Session Hall.
REGIONAL FINALS: Nagpahulagway ang mga nagpasiugda ug coaches sa Batang Pilipino Basketball League (BPBL) Regional Finals Season 2 human sa press conference kagahapon, Enero 24, 2024, sa Municipality of Carmen Session Hall. Erwin S. Lirazan

Andam na ang lungsod sa Car­men, Cebu sa tanang aspeto kabahin sa ilang pag-host sa Batang Pilipino Basketball League (BPBL) Regional Finals Season 2 nga gikatakda ka­rong Pebrero 2-4, 2024, sa Municipality of Carmen gymnasium.

Mao kini ang gipaneguro nila ni councilor Rashid Tacocong ug BPBL regional deputy coordinator Aileen Salasala sa press conference kagahapon, Enero 24, 2024 sa Municipality of Carmen session hall.

Gipasabot ni Tacocong, kinsa mao sab ang committee on sports chairman sa Konseho, nga gibuhat nila ang tanan aron mahapsay ang pagpahigayon sa kompetisyon taliwala sa kadaghan nilang gimbuhaton sa Sinulog sa Carmen.

“Rest assured Carmen is prepared sa BPBL Season 2,” pasalig ni Tacocong.

Sa iyang bahin, si Salasala niklaro nga nakahan-ay na ang tanan gikan sa ilang pagpapuyo ug pag-abi-abi sa tanang mga partisipante.

Gipaneguro ni Salasala nga magmalampuson ang pagpahigayon sa kompetisyon sama sa ilang pag-host sa Season 1.

“Dako ang among pasalamat nga kita ang napiling host ani nga event. Daghang players sa Carmen nga hilig kaayo og basketball. Honored kaayo mi,” matod ni Salasala.

Sa kinatibuk-an, moabot sa 11 ka teams nga gibahin sa 18-under, 16-under, ug 13 under categories ang magtigi sa kompetisyon.

Ang mokampyon sa ma­tag kategoriya mao ang maka­abante sa National Finals.

Ang National Finals sa 18-under ipahigayon sa Mall of Asia (MOA) Arena sa Manila, kombatihon ang 16-under sa Aklan samtang padayon pang nangita og host alang sa 13-under. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph