Ang kusog nga mga kumo ni Johnriel “Quadro Alas” Casimero wa maagwanta sa Mexicanong si Saul Sanchez sa ilang away didto sa Yokohama, Japan kagahapon, Oktubre 13 (PH time).
Gitapos sa three-division world champion ang ilang away sulod lang sa first round pinaagi sa technical knockout.
Misulod na ang referee ug gihunong ang away tungod sa grabe nga damage nga nadawat ni Sanchez gikan kang Casimero.
Sa wa pa mahunong ang duwa, gitumba na ni Casimero makaduha si Sanchez.
Nagbaha ang komento sa mga netizen human sa impresibo nga gipakita ni Casimero.
“Si Casimero meron po talagang power ang mga suntok niya,” sigon sa usa ka netizen.
“Parang may lakad siya tinapos agad,” saysay pa sa lain nga netizen.
“Congrats, Champ. Nasaan na ang mga basher mo ngayon,” dugang pa sa usa ka netizen.
Si Casimero nakadawat og pagsaway pila ka oras sa duwa kay tungod kay overweight kini ug wa makakuha sa 122-pound limit atol sa official weigh-in niadtong Sabado.
Nadayon ang maong away nga si Casimero magsul-ob og 10 ounce gloves. / RSC