Castillano: Pagbotar sa PWDs, seniors ‘ipasayo’

Local News
Local News

Aron sa pagtubag sa mga reklamo ug kabalaka sama sa taas nga linya nga nasinati sa mga senior citizen, mabdos, ug persons with disabilities (PWD), ang Commission on Elections (Comelec) nagplano nga ipa­higayon ang pagpabotar kanila sa mas sayo sa gikatakdang eleksiyon.

Si Commission on Elections Central Visayas (Comelec 7) Director Lionel Marco Castillano, nahinabi sa SunStar Cebu, niingon nga ilang giplanu ang pagpahigayon niini usa ka semana sa di pa ang adlaw sa piniliay.

Matod niya nga apil kini sa mga kausaban nga ilang ipatuman aron mapalambo ang kasinatian sa pagbotar sa publiko labi sa katong dunay kondisyon sa lawas ug sa mga edaran.

Sa edad nga 69, si Cebu City Mayor Michael “Mike” Rama, sama sa uban, nag-atubang usab sa hagit sa pagsaka sa taas nga hagdanan sa ilang tagsa-tagsa ka polling centers atol sa miaging BSKE.

Sa dihang nahimutang sa ikaupat nga andana sa Guadalupe Elementary School sa Barangay Guadalupe ang polling precinct sa mayor, si Rama nihatag og gibug-aton sa kamahinungdanon sa pagpakita og “sensitivity” ngadto sa mga senior citizen.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph