Mapasigarbuon si TNT Tropang 5G veteran guard Jayson Castro nga naapil siya sa grupo sa dekalidad nga mga magduduwa sa Philippine Basketball Association (PBA) nga nakaabot og 10,000 puntos o labaw pa.
Nahitabo kini atol sa kadaugan sa Tropang 5G batok sa NLEX Road Warriors, 96-93, sa quarter-finals sa Season 50 Commissioner’s Cup niadtong Miyerkules, Mayo 14, 2026.
Si Castro maoy ika-17 nga local player ug ika-18 sa kinatibuk-an nga naapil ning maong tapok nga naglakip nila ni Robert Jaworski, Nelson Asaytono, Jojo Lastimosa, ug Jerry Codiñera.
Nasulod si Castro sa PBA isip 3rd overall pick niadtong 2008. / ESL