Kuwang og pwersa ang Cleveland Cavaliers kay wala ang small forward nga si Max Strus pagsugod nila sa ilang kampanya sa NBA 2024-2025 season tungod sa injury. Di makaduwa si Strus og unom ka semana tungod sa right ankle injury niini nga nakuha atol sa team workout.
Ang 28-anyos nga si Strus anaa sa iyang ikaduha nga season sa Cavaliers. Sa miaging season, nag-average kini og 12.2 puntos ug 4.8 rebounds sa 32 minutos nga playing time.
Ang Cleveland, kinsa nakasulod sa Eastern Conference semis sa miaging season, moabli sa ilang season batok Toronto Raptors karong Huwebes.