Kwestiyonable ang status ni Darius Garland as Cleveland Cavaliers sa pagsugod sa National Basketball Association (NBA) Eastern Conference semifinals batok Indiana Pacers karong adlawa, Mayo 5, didto sa Cleveland, Ohio.
Ang All-Star guard dunay sprained left big toe. Wa gani kini makaduwa sa Game 3 ug 4 sa first-round sweep nila sa Miami Heat.
Wa pud maka-practice si Garland kagahapon. Ang head coach sa Cavaliers nga si Kenny Atkinson nagkanayon nga ang 6-foot-1 nga mamuntosay wa pay klaro makaduwa ug game-time decision iyang buhaton niini.
“We’re just in this kind of area where you just got to kind of see day-by-day and see how it feels tomorrow morning,” matod ni Atkinson.
Dako ang mawala sa Cavs kang Garland kay ga-average man kini og 20.6 putnos, 6.7 assists atol sa regular season. Miiskor pud kini og 27 puntos sa opening series nila sa Miami.
“The toe’s a tough one,” sigon ni Atkinson. “There’s pain and all that. But the good thing, when we watch him shooting right now, he’s moving well.”
Si Sam Merrill o Isaac Okoro ang mopuli kang Garland sa starting lineup kon di kini makaduwa. / RSC