Gitunguha ang pagpanday og ordinansa nga magtukod og Community-Based Recovery Program (CBRP) nga gidesinyo alang sa kabataan nga nalambigit sa paggamit og ilegal nga drugas sa Dakbayan sa Mandaue.
Usa ka ordinansa ang gihan-ay sa konseho sa Mandaue aron pagtabang sa kabataan nga matambalan gikan sa pagkagumon sa ilegal nga drugas ug isipon nga public health ug mental health concern ug dili ilhon nga criminal issue.
Ang proposed ordinance nga anaa na sa first reading, nagtinguha sa pag-institutionalize sa padayong paningkamot sa siyudad ug sa ilang partners aron paghatag og holistic rehabilitation ug recovery services ngadto sa Children Who Use Drugs (CWUDs).
Maggahin sab kini og pundo ug maglatid og protocols aron panalipdan ang mga menor de edad sa kaalautan ug mabalik sila sa komunidad.
Sa 1987 Constitution, duna nay daghang nasudnong balaod sama sa Comprehensive Dangerous Drugs Act (RA 9165), ang Mental Health Act (RA 11036), ug ang lokal nga balaod sa siyudad ang Mandaue City Mental Health Program of 2023, kining ordinansahon dili mosilot apan health-centered approach sa kabataan nga nagdrugas.
“This ordinance places the best interests of the child at the center,” nagkanayon ang balaudnon nga nagtataw nga ang kabataan nga naadik nagkinahanglan og dunay access sa “child-sensitive, rights-based, ug trauma-informed recovery programs.” / CAV