CCFO: Building sa Lahug gisuwayan sa pagsunog

Cebu-City-map
Cebu-City-map

Gisubay karon sa Cebu City Fire Office (CCFO) ang gii­ngong suway nga pagsunog sa usa ka establisemento sa Salinas Drive sa Barangay Lahug sa dakbayan sa Sugbo, alas 2:41 sa kaadlawon, Miyerkules, Hunyo 5, 2024.

Nakarehistro ang maong establisemento nga gipanag-iya sa Dwal Homs/Shan Marlon apan giokupar sa laing negosyante. Base sa kuha sa CCTV camera niini, nasuta nga adunay tawo nga miduslit sa building nga niresulta sa pagkayo niini.

Dali nga niresponde ang bombero sa Bureau of Fire Protection (BFP) sa alas 2:48 sa kaadlawon ug dali ra usab kini nga napawong.

Si SFO3 Wendel Villanueva, information officer sa CCFO, bisan og wala makadako ang maong sunog apan ila kining hatagan sa pagtagad aron ilang mailhan kinsa ang ma­ong lalaki nga nakita sa CCTV footage ug mapasakaan og kasong arson. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph