CCPO andam na sa Semana Santa

CCPO andam na sa Semana Santa
SunStar Local News GPX

Hingpit na ang pagpangandam sa Cebu City Police Office (CCPO) sa ilang paghatag og seguridad sa Semana Santa.

Matod ni Police Lieutenant Colonel Janette Rafter, deputy city director for operations sa CCPO, nga ilang patutokan sa ilang deployment ang mga vital installation, sama sa pantalan, bus terminals ug mga suroyanan sa mga tawo.

Nalantawan nga modagsa ang mga langyaw ug lokal nga turista aron mosuroy sa mga tourist destination sa Central Visayas.

Usa sa pabutangan og mga personnel mao ang gawas sa South Bus Terminal tungod kay dako ang posibilidad nga makamugna og kahuot sa trapiko.

Gitun-an usab nila nga mangayo og dugang police personnel sa Police Regional Office (PRO 7) nga motabang sa pagbantay sa seguridad.

Gipasabot hinuon ni Rafter nga dunay igong police personnel ang CCPO aron mobantay sa siguridad apan aron dili makuhaan ang mga polis nga gipakatap sa kadalanan labing maayo nga madungagan ang pwersa aron ipakatap sa mga simbahan ug ubang dapit sa dakbayan.

Lakip sa patutukan ni Raf­ter mao ang duha ka religious sites sa dakbayan, ang Tabor Hills sa Barangay San Jose ug Good Shepherd sa Banawa, Brgy. Guadalupe.

Kini nga mga dapit gipaabot nga dagsaon sa mga tawo gikan sa Huwebes Santo hangtod sa Biyernes Santo sa Station of the Cross sa dapit.

Gawas niini, duna usab silay gitahasan nga mohatag og seguridad sa tinuig nga kalihukan sa V. Rama nga mao ang Buhing Kalbaryo nga gipalu­yohan ni Cebu City Mayor Michael Rama.

Matod ni Rafter, nga matag panahon sa Semana Santa, ang mga Sugboanon modagsa usab sa Carbon Public Market aron mamalit og sagol sa benignit. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph