CEBU. The Police Regional Office-Central Visayas (PRO 7) in Cebu City.
CEBU. The Police Regional Office-Central Visayas (PRO 7) in Cebu City.File photo

CCPO di magbutang og polis sa Beverly Hills

Dili magbutang og mga police personnel ang Cebu City Police Office sa ganghaan sa Beverly Hills sa Doña Modesta Gaisano Street, Barangay Lahug, dakbayan sa Sugbo human nilusad og clearing operation ang Kagamhanan sa Dakbayan sa Sugbo sa maong dapit.

Matod ni Police Lieutenant Colonel Janette Rafter, deputy city director for operations sa CCPO, nga ang presensya sa mga polis sa Martes, Marso 12, 2024 igo lang nipatuman sa area security.

Pasabot niya nga dili pagpang harass ang tuyo sa mga polis sanglit ang ilang trabaho mao ra ang pagpatuman sa kahusay sa usa ka dapit.

Human sa clearing operations sa City Hall, nanguli ra ang mga polis. Gitahasan nga mobantay sa lugar mao na ang barangay tanod sa Lahug.

“Ang among presence sa area mao ra ang area security. Human sa clearing operation namahawa nasad ang atong mga polis. Dili na mi magpadala og personnel sa area kay ang barangay na ang bahala diha,” matod ni Rafter.

Una na nga nipagawas og kamandoan si Cebu City Mayor Michael Rama pagpaguba sa guard house ug boom barrier sa ganghaan sa Beverly Hills sanglit gipanag iya sa Kagamhanan sa Siyudad ang luna nga gitukoran niini.

Gihimakak kini sa mga miyembro sa homeowners association, sanglit ila kini nga propiedad ug duna silay papel pagpamatuod niini. / AYB

Related Stories

No stories found.
SunStar Publishing Inc.
www.sunstar.com.ph