CCPO mopakatap og mga polis

File Photo
File Photo

Hugot nga nangandam ang kapulisan sa dakbayan sa Sugbo subay sa daghang mga kalihukang nagsinga­bot alang sa Pasko nga magsugod karong Disyembre 1, 20­23.

Matod ni Police Lt. Colonel Janette Rafter, deputy city director for operations sa Cebu City Police Office (CCPO), nga ang nakaung-ong nga mga kalihukan mao ang pagpasiga sa dakong Chistmas tree sa Fuente Osmeña sa unang adlaw sa Disyembre.

Nagsugod na usab ang night market sa dalan Colon, lakip na ang Pasko sa V. Rama nga sugdan sa Disyembre 2, 2023 nga gituohan nga saksihan sa daghang mga Sugboanon.

Tungod niini, nagpatawag og meeting si Acting Cebu City Mayor Alvin Raymond Garcia sa kadagkuan sa kapulisan sa dakbayan aron magpakisayod kon unsa ang ilang pagpangandam sa siguridad.

Midugang si Rafter, ang dagkong mga kalihukan diretso na ngadto sa Sinulog sa Enero 2023 diin ang kapulisan magpadayon sa ilang pagbantay tungod sa gipanglantawan nga modugok dinhi ang daghang mga bisita gikan sa nagkalainlaing lugar sa nasod.

Usa sa ilang gi-monitor karon mao ang dayo nga mga kriminal gikan sa laing rehiyon sa nasod nga mamiktima dinhi, sama sa salisi, budol-budol ug mga ma­ngunguot.

Nipahimangno ang kapulisan sa publiko nga magbantay ilabi na sa mga dapit nga daghan ang mga tawo aron dili mabiktima sa krimen.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph