CCPO pasado kang Torre sa 5 min. response time

CCPO pasado kang Torre sa 5 min. response time
MANILA. Philippine National Police Chief General Nicolas Torre III.Senate photo
Published on

NISALMOT ang Police Regional Office (PRO) 7 sa gihimong Nationwide Simulation Exercise nga gipangulohan ni Police General Nicolas Torre III ang pangulo sa kapulisan sa tibuok Pilipinas sa Hunyo 18, 2025, aron sutaon kon unsa kaandam ang tanang polis sa pagpatuman sa 5-minute response time.

Uban ni Police Brigadier General Redrico Maranan ang iyang command group lakip na ang duha ka provincial directors sa Bohol ug Cebu ug tulo ka city police office directors gamit ang state of the art technology.

Tuyo sa maong simex aron suwayan ang tanang polis sa tibuok nasod kon unsa sila kaandam pagtubag sa mga alarma nga kabahin sa programa sa bag-ong PNP Chief.

Subay niini, gisuwayan ni Torre ang kapulisan sa Dakbayan sa Sugbo kon masunod ba niini ang 5-minute response time ug naghatag og lugar nga mahimong respondehan sa mga polis nga nagkatag sa kadalanan.

Gigamit sa Cebu City Police Office (CCPO) sa pagpangulo ni Police Colonel Enrico Figueroa ang ilang Tactical Motorcycle Response Unit (TMRU) nga maoy niresponde sa usa ka alarma.

Atol sa exercise gi-monitor sila sa Command Center sa Kampo Crame ug wala pa magsingko minutos naabot ang polis nga gikalipay ni Maranan ug Figueroa.

Si Torre nga nakasaksi nipahalipay sa CCPO ug nidayeg sa dali nga pagresponde ug wala na siya masurpresa tungod kay si Figueroa iyang sakop sa dihang nadestino kini sa Quezon City Police District.

“Tama yun, very good, good job good job, proud to be Cebu City,” pulong ni General Nicolas Torre.

Gipangutana pa sa PNP Chief kon magamit na ang mga bag-ong handheld radio sa tanang City ug Provincial Police Office nga direktang makatubag sa iyang tawag gikan sa iyang opisina sa kampo Crame nga gitubag sab ni Maranan nga magamit na kini.

Matag karon ug unya, ang PNP Chief motawag sa iyang handheld radio nga madungog sa tanang unit sa kapulisan tibuok Pilipinas diin kinahanglan nga ang commander sa maong rehiyon makatubag dayon.

Matod ni Figueroa nga ang kapulisan sa Dakbayan sa Sugbo pabilin nga lig-on sa ilang misyon nga mao ang paghatag og proteksyon sa mga Sugboanon gikan sa krimen. / AYB  

Trending

No stories found.

Just in

No stories found.

Branded Content

No stories found.

Videos

No stories found.
SunStar Publishing Inc.
www.sunstar.com.ph