Nakasinati na sab og laing pilde ang Cebu Classic ug ning higayuna, batok sa San Juan Knights, 61-63, niadtong Lunes, Marso 24, 2025, sa Maharlika Pilipinas Basketball League (MPBL) sa Nueva Ecija Coliseum.
Kini maoy ikatulong sunodsunod nga kapildihan nga naangkon sa Classic human sila nasubhan og kulbahinam nga daog batok sa Caloocan Batang Kankaloo, 77-76, niadtong Marso 13.
Human nila nabuntog ang Batang Kankaloo, ang Classic nasugamak sa dagkong kapildihan batok sa Quezon Huskers, 45-58, niadtong Marso 17 ug batok sa 1Bataan Risers, 69-79, niadtong Marso 20.
Sukwahi sa niagi nilang duha ka mga pilde, ang Classic nakakombati og maayo ning higayuna una sila ningyukbo sa Knights.
Puntos matag usa:
San Juan (63) - Maiquez 16, Calisaan 10, Sabandal 7, Villapando 7, Wamar 6, Galinato 5, Gamboa 4, Tajonera 2, Villoria 2, Hugnatan 2, Alforque 2.
Cebu Classic (61) - Santos 14, Tampus 13, Hiro 12, Meneses 7, Maliguez 6, Martel 4, Holmqvist 3, Lepalam 2. / JBM, ESL