Andam na ang bag-ong naporma nga Cebu Classics sa ilang kampanya sa Maharlika Pilipinas 2025 Season.
Mao kini ang labing unang higayon sulod sa upat ka mga tuig nga adunay Sugboanong puwersa nga mokombati sa torneyo.
Ang Classics adunay 22 ka mga magduduwa sa ilang official lineup nga gisumiter ngadto sa MPBL.
Hinuon, basi sa lagda, 15 ra ka mga magduduwa ang makapakita og aksyon sa matag duwa.
Ang Classics adunay unom ka mga sakop nga lumad nga taga Sugbo ug kini mao sila si Brylle Ivan Meca (6-0), Dolan Adlawan (6-5), Jiesel Tarrosa (6-2), Shaquille Imperial (5-10), Jeco Bancale (5-10), ug John Jabonite (6-4).
Ang ubang mga sakop sa Classics mao sila si Limuel Tampus (6’1), Darrell Manliguez (5’7), Dean Paulo Hubalde (5’11), Dennis Gabriel Santos (6’5), Jameson Hiro (5’7), Jan Niccolo Jamon (6’2), John Paul Martinez (6’6), Ladis Lepalam (6’9), Lean Martel (6’4), Mark Christian Meneses (6’4), Mike Delos Santos (6’4), Rashawn Macarthy (6’0), Vergian Santos (5’7), Gryann Mendoza (6’1), Kascius Small-Martin (6’1), Ken Holmqvist (6-8).
Sa sayo pa, tinguha unta sa Classics nga kuhaon ang produktong higante sa University of the Visayas (UV) Green Lancers nga si Greg Slaughter apan wala nagkasinabot ang duha ka mga kampo.
Ang katapusang team sa Sugbo nga ningkombati sa MPBL mao ang Cebu Sharks, nga gipanag-iya sa Omega Pro Sports International. / ESL, JBM