Gipangbuntog sa Cebu Greats ang Pasig City, 76-70, aron irehistro ang ikatulo nilang sunodsunod nga kadaugan sa Maharlika Pilipinas Basketball League (MPBL) niadtong Martes sa gabii, Hulyo 12, 2025, sa Nueva Ecija Coliseum.
Niini, nagpabilin pang buhi ang paglaom sa Greats alang sa inilugay og luna sa play-in.
Ang Greats kasamtangang naggunit og 8-15 nga rekord, naa sa ika-13 nga puwesto sa South Division.
Sa sunod nilang tahas, ang Greats makigbatok sa Bulacan karong Sabado, Agusto 16. Ang Bulacan kasamtangang naa sa ika-14 nga puwesto sa North Division dala ang 3-19 nga rekord.
“There’s a big chance for the play-in, and we’ll really push to make it to the playoffs,” matod ni Greats team manager Jhon Santos.
Cebu (76) - Manzo 26, Martel 12, Jamon 9, Desiderio 9, Adlawan 8, Meneses 6, Hontiverios 2, Holmqvist 2, Tallo 2.
Pasig (70) - Gadin 22, Galicia 19, Batac 13, Montuano 10, Garcia 8, Michael Nimes 3, Acidre 3 Corpuz 2, Morante 1. / JBM, ESL