HINGPIT nang nawad-an og paglaom ang Cebu Greats nga makaabante sa playoffs human kini nakasinati og laing kulbahinam nga kapildihan batok sa Binan Tatak Gel Beast Motorcycle GameX, 78-81, sa Maharlika Pilipinas Basketball League (MPBL) niadtong Huwebes, Hulyo 3, 2025, sa Alonte Sports Arena sa Binan, Laguna.
Ang Greats natagak sa ika-25 nga luna dala ang 4-14 nga rekord.
Taliwala sa kapildihan, ang bag-ong puwersa sa Greats nakadawat gihapon og mga pagdayeg hilabi na si ex-PBA JR Quiñahan kinsa nagpakatap og 31 puntos. /ESL