Cebu Prov. Athletic Meet ipahigayon sa Minglanilla

Cebu Prov. Athletic Meet ipahigayon sa Minglanilla
SunStar Local News GPX

Napili ang lungsod sa Minglanilla nga host sa umaabot nga Cebu Provincial Athletic Meet human sa duha ka tuig nga napalta tungod sa pandemya sa Covid-19 sa nasod.

Si Provincial Schools division Superintendent Dr. Senen Paulino nakigtagbo kang Minglanilla Mayor Rajiv Enad aron personal nga pahibaw-on ang mayor sa desisyon nga nakab-ot sa mga tinugyanan sa Department of Education (DepEd) province.

Apan wala pa gibutyag ang tukmang petsa sa pagpahigayon sa provincial meet.

Ang mga batan-ong atleta nga modaug sa provincial meet maoy qualified nga ipadala alang sa Central Visayas Regional Athletic Association (CVIRAA).

Subay sa naandan lakip sa mga sporting events nga posibling salmutan sa mga tinun-an ang archery, arnis, athletics, badminton, basketball, baseball, biliard, boxing, chess, dancesports, football, futsal, aero gymnastics, gymnastics, pencak silat, sepak takraw, sipa, softball, swimming, tennis, table tennis, taekwondo, volleyball, wrestling ug wushu.

Ang mayor, sa iyang bahin, nipadayag usab sa suporta sa maong kalihukan ilabi na sa pag gahin og pundo alang sa kuryente, tubig, ug makeshift bathrooms nga magamit sa delegates alang sa pagkaligo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph