Usa ka short film ang galingon sa dili madugay nga magsugid sa mga hagit nga giatubang sa LGBTQ community. Ang "Somewhere Over The Rainbow" ubos sa sinuwat ug direksyon ni Sam Costanilla.
Kini bituonan ni Floie Lily Spearson kinsa daghan nang short films nga naapilan lakip na ang "Mama Mayumi" isip lead star.
Samtang si Anne Balagas, usa ka maglilingaw sa usa ka comedy bar, nigawas na sab sa daghang short films sama sa "Kalbaryo Ni Maria."
Si Harvey Lubas, sa laing bahin, usa ka tinun-an sa kursong Turismo samtang si Iniyego Abayon usa ka stage actor ug dancer, ug si Losyl Liu nga usa ka Cebuano awardee ug Valuable Josenian 2019. / PR