Celtics midaog lang gihapon

Wala nakaduwa si Boston Celtics superstar Jayson Tatum batok sa Detroit Pistons ning Martes, Marso 19, 2024 (PH time) sa National Basketball Association (NBA) gumikan sa angol (right ankle) niini.

Kini maoy ikaupat pa lang nga higayon nga wala nakaduwa si Tatum ning maong season.

Gawas ni Tatum, ang Celtics ningkombati sab nga wala ang lain nilang starters nga sila si Derrick White (sprained left hand), Kristaps Porzingis (strained right hamstring) ug Jaylen Brown (sprained right ankle).

Bisan pa niini, ang Celtics nakamaneho gihapon pagmakmak sa Pistons, 119-94. / AP