Celtics mosuway pag-abante sa 2nd round

Celtics mosuway pag-abante sa 2nd round
Basketball (File Photo)

Moabante og suway sa 2nd round ang host Boston Celtics sa ilang pag-host sa Miami Heat karong Huwebes, Mayo 2, 2024 (PH time) sa Game 5 sa ilang Eastern Conference 1st round playoffs series sa National Basketball Association (NBA).

Ang Celtics minglampornas sa Heat, 102-88, sa ilang Game 4 niadtong Martes aron pagposte og 3-1 nga bintaha sa best-of-seven series.

Kon modaug ang Celtics, hayan makakuha sila og taastaas nga pahuway sa dili pa sila mohamag sa 2nd round diin ilang ikaharong ang modaug sa laing series tali sa Orlando Magic ug Cleveland Cavaliers nga kasamtangang nagtabla, 2-2.

Sa laing duwa ning adlawa, mo-host ang Los Angeles Clippers sa Dallas Mavericks sa Game 5 sa ilang Western Conference 1st round series.

Bisan wala ang usa sa ilang labing lig-ong haligi nga si Kawhi Leonard, ang Clippers nakamaneho gihapon pagpukan sa Mavericks, 116-111, sa Game 4 aron tablahon ang series, 2-2. / AP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph