Celtics sud na sa East semis

Wala matandog ang defending champions Boston Celtics sa gahom sa Orland Magic og hingpit na nilang gitapos ang National Basketball Association (NBA) season sa nauwahi.

Sulod na sa Eastern Conference semis ang Celtics human gipalukapa ang Magic, 120-89, sa Game 5 sa first-round playoff series nga nahuman sa 4-1 card sa Boston sa Abril 30, 2025 (PH time).

Ang pambato sa Celtics nga si Jayson Tatum hapit mag-triple-double sa stats nga 35 puntos, 10 assists ug walo ka rebounds, samtang ang iyang partner nga si Jaylen Brown niamot og 23 puntos.

Maghuwat ang Celtics sa modaog sa pikas tapad sa New York Knicks ug Detroit Pistons para sa second round.

Matod ni Celtics coach Joe Mazzulla nga lahi nga taktika ang ilang gigamit sa Game 5 ug giminusan nila ang mga itsa sa tres.

“That’s what this series called for. Every series calls for different things,” Mazzulla said. “You have to be able to win in different ways on both sides of the ball.”

Si Franz Wagner nakabuhat og 25 puntos, nidugang og 19 si Paolo Banchero samtang si Wendel Carter Jr., nidunol og 12 puntos ug 10 rebounds sa pilderong Magic kinsa wala pa modaog og playoff series sukad sa panahon nila ni Dwight Howard, Vince Carter ug coach Stan Van Gundy nga maoy nangulo sa team sa Eastern Conference finals sa 2010.

Si Tatum impresibo nga nakabalik sa Games 3, 4 ug 5 kay nibuhat siya og di muminos 35 puntos human siya wala makaduwa sa Game 1 ug 2 tungod sa wrist injury. / RSC