Nakaseguro na sab og laing medalya ang Pilipinas sa Chengdu World Games sa China human nakaabante ang Pinay nga bilyarista nga si Chezka “The Flash” Centeno sa finals sa women’s 10-ball event, taho sa RP 2 Sports.
Nahitabo kini human gibuntog sa 26 anyos nga si Centeno ang world 9-ball champion sa host country nga si Liu Shasha, 7-4, sa ilang semi-final game kagahapon, Miyerkules, Agusto 13, 2025.
Sa ika-11 rack, nakamugna og sipyat si Liu ug gipahimuslan kini ni Centeno aron hutdon pagpasulod ang nahabiling tulo mga bola aron iselyo ang kadaugan. / ESL