Chan: Ayaw ipasayon ang plea bargain

Lapu-Lapu City Mayor Junard “Ahong” Chan.
Lapu-Lapu City Mayor Junard “Ahong” Chan.File photo

Giawhag ni Lapu-Lapu City Mayor Junard “Ahong” Chan ang mga huwes ug pro­­se­cu­tors sa dakbayan nga mas estrikto sa pagha­tag og plea bargain agreements, partikular na sa mga in­di­bidwal nga nakombikto sa ilegal nga drugas.

Atol sa media briefing niadtong Lunes, Pebrero 5, 2024, gipasabot ni Chan nga iyang gipasiugdahan ang maong lakang human naobserbahan nga daghang krimen sa dakbayan sagad nalambigit sa paggamit ug pagbaligya sa illegal drugs.

Gipasanginlan ni Chan ang ka­daghanan sa maong mga krimen niadtong mga drug suspect nga nakagawas human maka-avail sa plea bargain agreement.

Iyang gitumbok ang pagpatay kang Lapu-Lapu City Public Mar­ket Consultant Christopher Ceni­za niadtong Enero 2, diin matod niya ang gunman ni Ceniza ug ang drayber sa getaway motorcycle sa mga suspek pulos nakonbikto sa kasong drugas ug gibuhian human sa malampusong pagpahimulos sa plea bargain.

Ang gunman nasikop sa buy-bust pito ka adlaw human sa pagpatay kang Ceniza.

Niadtong Lunes, nakigtagbo ang mayor sa mga huwes nga nagbase sa dakbayan ug sa City Prosecutor’s Office aron hangyuon ang reconsideration sa mga parametro sa paghatag sa bisan unsang plea bargain applications ilabi na sa mga kaso nga may kalabutan sa ilegal nga drugas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph