Gimando sa House of Representatives nga buhian si Office of the Vice President (OVP) Undersecretary Zuleika Lopez gikan sa iyang 10 ka adlaw nga pagkabilanggo.
Ang release order gipirmahan ni House Committee on Good Government and Public Accountability chairperson Manila Representative Joel Chua.
Ang OVP niingon nga si Lopez nakagawas sa Veterans Memorial Medical Center (VMMC) sa Quezon City sa alas 6:30 sa gabii niadtong Nobiyembre 30, 2024.
Si Lopez gitanggong sa pasilidad sa House of Representatives human gi-contempt sa panel niadtong Nobiyembre 20 tungod sa "undue interference" taliwala sa imbestigasyon niini sa giingong mga iregularidad sa paggamit sa public funds sa OVP ug Department of Education ubos sa pamunoan ni Bise Presidente Sara Duterte. / SunStar Philippines