‘Choosy nga kawatan’ miuli sa kinawat, nasikop

■ GUBAON DIAY? Wa kauyon ang suspek nga si Jason Pepito, 21 (taas), sa washing machine nga iyang gikawat, di mapuslan kay guba busa iyang gibalik sa tag-iya hinungdan nga siya nadakpan. Ang maong butang tulo pa ka buwan gikan sa pagpalit sa tag-iya, na-recover sa mga tanod sa Brgy. Kinasang-an, Cebu City nga gipangulohahan ni Guillermo Quiño (ubos). Estorya sa pahina 2. / GPL
■ GUBAON DIAY? Wa kauyon ang suspek nga si Jason Pepito, 21 (taas), sa washing machine nga iyang gikawat, di mapuslan kay guba busa iyang gibalik sa tag-iya hinungdan nga siya nadakpan. Ang maong butang tulo pa ka buwan gikan sa pagpalit sa tag-iya, na-recover sa mga tanod sa Brgy. Kinasang-an, Cebu City nga gipangulohahan ni Guillermo Quiño (ubos). Estorya sa pahina 2. / GPL
■ GUBAON DIAY? Wa kauyon ang suspek nga si Jason Pepito, 21 (taas), sa washing machine nga iyang gikawat, di mapuslan kay guba busa iyang gibalik sa tag-iya hinungdan nga siya nadakpan. Ang maong butang tulo pa ka buwan gikan sa pagpalit sa tag-iya, na-recover sa mga tanod sa Brgy. Kinasang-an, Cebu City nga gipangulohahan ni Guillermo Quiño (ubos). Estorya sa pahina 2. / GPL
■ GUBAON DIAY? Wa kauyon ang suspek nga si Jason Pepito, 21 (taas), sa washing machine nga iyang gikawat, di mapuslan kay guba busa iyang gibalik sa tag-iya hinungdan nga siya nadakpan. Ang maong butang tulo pa ka buwan gikan sa pagpalit sa tag-iya, na-recover sa mga tanod sa Brgy. Kinasang-an, Cebu City nga gipangulohahan ni Guillermo Quiño (ubos). Estorya sa pahina 2. / GPL

Washing machine gitripingan sa suspetsadong kawatan apan giuli kay guba hinungdan nga siya nadakpan na hinuon alas 6 sa buntag sa Martes, Marso 19, sa Sitio Villa Buena, Brgy. Kinasang-an, dakbayan sa Sugbo.

Ang suspek nga si Jason Pepito, 21, ulitawo, mangayuhay og butane stove, taga Sitio Paradise, Brgy. Kinasang-an, dakbayan sa Sugbo, napusasan sa mga barangay tanod ug gi-turnover ngadto sa kapulisan.

Si Nhiel Patrick Surbito , 28, driver, tag-iya, nga nahinabi sa Superbarlita Cebu sa Martes, Marso 19 niingon nga natingala na lang sila dihang nawala na sayo sa buntag sa Martes ang washing machine.

Nangita sila uban sa mga kabanay sanglit mga tulo pa kini ka bulan sukad napalit og P9,000.

Gi-report kini nila sa barangay hall sa Kinasang-an.

“Wala mi mahimutang, Sir, kay gamit baya kaayo namo ang washing machine. Gitiguman na sa akong asawa, bag-o pa kaayo,” asoy ni Surbito.

Nagpatabang sila sa mga barangay tanod sa pagpangita sa suspek human adunay nakasulti kay nakakita kang Pepito.

Sayo kaayong naglukdo si Pepito nga nisuroy sa washing machine aron ibaligya samtang nilibot usab aron mangayo og butane stove, ceiling fan ug uban pa.

Sa dihang padulong sila sa balay sa suspek sa Sitio Paradise, ilang nakita ang mga sinina nga labhunon nga gipanglabay diha sa dalan.

Si Guillermo Quiño, tanod, niingong nagpadulong sila sa panimalay sa suspek sa pikas sityo apan natingala sila sa ilang paglingi, si Pepito diha na sa ilang likod.

Si Pepito naglukdo sa washing machine ug nipahibalo nga iyang iuli kay kuno guba.

Nahitabo ang komprontasi tali sa tag-iya ug sa suspek kalabot sa butang hangtod nga gipusasan si Pepito ug gi-turnover sa kapulisan.

Si Nhiel Patrick nibutyag nga ang suspek dunay giayo nga ceiling fan, ug hangtod karon wala giuli.

Nahimong emotional ang maong hitabo kay si Regina Fat, inahan sa suspek, nihangyo nga pasayluon ang iyang anak.

Ilang bayran ang kantidad sa washing machine ug ipaayo unsay daot niini.

Apan gibalibaran ni Rona Jane Fernan ug Nhiel Patrick kay dili sila makapasaylo.

Sa kaguol sa inahan sa suspek, niparok kini sa iyang ulo sa poste sa kuryente hinungdan nga nibukol ang agtang.

Si Jason nga nahinabi sa Superbarlita Cebu niangkon sa kremin kay nakasuyop siya og shabu nianang Lunes sa gabii.

Pagkakadlawon iyang gitri­pingan ang washing machine.

“Akong gialsa kay nagtuo man sab ko nga gilabay na. Unya guba man, ako na lang giuli sa tag-iya,” butyag ni Jason sa Superbalita Cebu.

Kay wala dawata iyang pagpangayo og pasaylo, andam siya nga magpabilanggo. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph