Nag-viral sa social media ang usa ka chopper nga nikalit og tugpa sa bakate'ng luna sa usa ka barangay sa lungsod sa Guildulman, lalawigan sa Bohol, alas 3:30 sa hapon, Huwebes, Marso 7, 2024.
Ang nag-post niini sa social media nga si Andrew Bayhon Lacar, molupyo sa dapit, ang gikahinabi sa Superbalita sa Biyernes, Marso 8, 2024.
Matod ni Lacar, natingala ang mga molupyo ug ningduol sa chopper ug ilang nasayran nga nag-emergency landing kini tungod sa nuylon sa tabanog nga nasabod sa palabad.
Ilang nakita ang usa ka Pinoy nga panagway nga ilang gituohan nga maoy piloto ug dunay sa sakay nga lalaki usab apan langyaw og panagway. Matod pa, asoy sa pilotm naa sa 2,000 feet ang gitas-on sa ilang paglupad dihang nakamatikod nga nasangit sa tugot sa tabanog.
Matod ni Lacar, iyang nakit-an ang langyaw ang nagtangtang sa mga nylon nga nalukot ug pagkahuman, nilupad usab kini padulong sa Sugbo diin pa, gikan pa kini sa Surigao.
Ang helicopter o chopper gipanag-iya sa inilang kompanya sa Sugbo apan wa una nganli ning taho samtang wala nakuha nga habig sa insidente. / DVG