Nangayo og pagsabot gikan sa fans sa Brgy. Ginebra Gin Kings si San Miguel Corp. sports director Alfrancis kabahin sa ilang desisyon nga ibalhin ang beteranong pointguard nga si LA Tenorio gikan sa Gin Kings ngadto sa Magnolia Chicken Timplados Hotshots isip usa na ka head coach.
Gipasabot ni Chua nga niabot na ang panahon aron mosubay og laing agianan ang 41 anyos nga si Tenorio, kinsa sulod sab sa 13 ka mga tuig nga nagduwa sa Gin Kings.
“Sabi ko nga, LA is a leader. I hope the Ginebra fans can understand that LA Tenorio is moving to Magnolia as a head coach. We have to move on,” Chua nga napatik sa Spin.ph.
“At least, makikita pa nila ‘yung idolo nila, nasa PBA pa rin. Sister team naman, sana maintindihan niyo ‘yung decision ng management.”
Magsugod si Tenorio sa iyang bag-ong obligasyon sa 50th season sa Philippine Basketball Association (PBA) nga sugdan karong Oktubre 5, 2025. / ESL