Ciar: 12 ka mga balita sa showbiz nga mitatak sa 2023

Sa pagsugod sa 2024, tugoti nga atong lakbitan una ang pipila sa mga nakapakurat ug gipistahan pag-ayo sa Philippine showbiz isip biggest newsmakers sa 2023.

1. Ang makasaysayanong partnership sa ABS-CBN ug GMA nga nagsugod sa teleseryeng “Unbreak My Heart” niadtong Enero 23 diin nag-uban ang mga Kapuso ug Kapamilya stars Joshua Garcia, Jodi Sta. Maria ug Gabbi Garcia.

2. Ang ko­med­yang pagpahid ni Alex Gonzaga og icing sa agtang sa waiter atol sa iyang 35th birthday celebration nga gi-bash pag-ayo sa mga netizen.

3. Ang mga pamahayag ni Liza Soberano niadtong Pebrero sa iyang vlog diin iyang gisaway ang iyang showbiz career ug pagkapriso niya sa loveteam nga niani og negatibong reaksyon sa social media.

4. Ang performance ni Pura Luka Vega isip Hesukristo sa rock rendition nga “Ama Natin” nga nakapaulbo sa kaspa sa mga Katoliko nga nisangpot sa pagkadeklarar niya nga persona non grata.

5. Ang pagkasikop sa kanhi child star nga si Awra Briguela human ni nahilambigit sa rambol batok sa grupo sa mga lalaki niadtong Hulyo sa usa ka bar sa Makati.

6. Ang pagladlad sa usa ka Abegail Rait kinsa nipaila sa iyang kaugalingon nga ex-girlfriend ni anhing Francis Magalona kauban ang anak nila nga si Franchesca.

7. Ang bonggang grand entrance ni Vice Ganda sa GMA Network Center nga gihatod pa og helicopter atol sa unang adlaw sa “It’s Showtime” sa free TV sa GMA nga GTV niadtong Hulyo 1.

8. Ang paglayas nilang Tito, Vic and Joey ug sa original Dabarkads sa Tape, Inc. niadtong Mayo 31 ug ang legal battle nila sa copyright sa pangan nga Eat Bulaga.

9. Ang pagpanaw sa beteranong news anchor ug GMA News pillar nga si Mike Enriquez sa edad nga 71 tungod sa car­diac arrest niadtong Agusto 29.

10. Ang pagkasuspenso sa noontime show “It’s Showtime” og 12 ka mga adlaw niadtong Oktubre tungod sa “indecent acts” nilang Vice Ganda ug Ion Perez.

11. Ang break-up nilang Kathryn Bernardo ug Daniel Padilla (10 years), Kim Chiu ug Xian Lim (12 years) ug Richard Gutierrez ug Sara Lahbati (10 years).

12. Ang gi­ingon nga paghikog sa aktor nga si Ronaldo Valdez niadtong December 17 ug ang pagkataktak sa tulo ka mga polis nga ni-upload sa iyang video. (MGA LITRATO SA GMA, ABS-CBN, IG, TWITTER)