Wala masayup silang Marian Rivera ug Dingdong Dantes sa ilang giingon nga nindot ug makahilak gyud ang ilang pelikulang “Rewind” nga padayong gilinyahan karon sa mga sinehan isip usa sa mga official entries sa Metro Manila Film Festival.
Apan kon duna may bahin sa pelikula nga gilisuran sila dili sa drama, apan sa ilang kissing scene kon diin naka-take 3 sila.
“Ni-request pa nga siya ng dim light. Pero wholesome naman siya,” butyag sa Kapuso primetime king-TV host.
Ang tubag usab ni Marian, “Kasi ang linaw ng ilaw nako-conscious ako tapos ang dami pang nakapaligid sa amin at nakatutok na camera.”
Ang showbiz power couple nakauban sa Superbalita atol sa usa ka paniudto niadtong Sabado sa Mesa Restaurant sa SM City Cebu diin si Dingdong ang brand ambassador.
“Pero siyempre mga actor kami, kaya sabi namin hindi tayo Marian at Dong, si Mary at John tayo dito,” ni Marian bahin sa ilang karakter ni Dong isip magtiayon usab sa family drama nga “Rewind.”
Ang Kapuso aktres nga mas ni-slim ug samot nigwapa, nipaambit nga wala ra siya’y control sa pagkaon. Apan maarte lang siya sa iyang skin ug kanunay siya naka-sunblock kon mogawas.
Katapusan nga nagkauban ang real-life couple sa pelikula niadto pang 2010. Unsay nakapaagni sa DongYan aron magbalik-pelikula?
“Wala namang dahilan para tanggihan dahil sobrang ganda nung pelikula. Sa bawat basa ko ng script naiiyak talaga ako. Sabi ko grabe yung message nito, ano pa kaya kung mai-act ito ng tama. Walang dahilan para hindi ko siya tanggapin especially kasama ko pa si Dong, 13 years bago kami nagsama muli so, why not?,” ni Marian.
“Perfect timing, perfect project, perfect partner, walang dahilan para mag-‘no.’ Yung magkaroon ang audience ng kumbaga realization, time to reflect, time to love, forgiveness, pang-Christmas talaga.”
Ang “Rewind” gi-produced sa Star Cinema, AgustoDos ug APT Entertainment ug usa sa mga paborito nga modaug sa MMFF Best Picture Award.
Ang “Mallari” ang unang horror movie ni Piolo Pascual ug unang pelikula’ng Pilipino nga giapod-apod sa international film nga Warner Brothers nga usa sa mga official entries sa MMFF.
Sa mediacon sa “Mallari” nga gipahigayon sa Citadines Hotel-Cebu city sa miaging semana, si Piolo niangkon nga hapit niya balibari ang maong pelikula tungod sa kalisod sa iyang papel.
“I played three different characters from three different generations. With all the make-ups, prosthetics and the transition to become a killer, it’s physically and emotionally exhausting. But it’s really worth the experience. Siguro I’d regret it if I would say no to this project,” butyag niya sa Superbalita.
Inspired sa real-life story ni Fr. Severino Mallari sa Pampanga, ang pari nga serial killer niadtong 19th century nga nipatay og 57 ka mga tawo aron maluwas ang masakiton niyang inahan.
Si Bryan Dy sa Mentorque Productions nga maoy executive producer sa “Mallari” nitug-an nga ilang gihatag kon unsay gusto’ng talent fee ni Piolo ug wala na sila mohangyo pa kay sayod sila kon unsa kalisod sa iyang papel sa “Mallari” nga dunay total production budget nga P80 million.
“Talagang kami we know na mahihirapan talaga si PJ dito. Kaya nung napanood namin yung pelikula it was all worth it. He deserves and everyone in the production kasi alam namin kung gaano kahirap. As in literal na binaon namin siya ng buhay dito.”
Kon si Piolo na ba karon ang Philippines highest paid actor tungod sa maong lilas?
“Sobra naman, hindi naman ganun. Baka habulin ako ng BIR,” nikatawa si Papa P.
Sama ni Piolo, nagduhaduha usab si Janella Salvador kon dawaton ba ang proyekto tungod kay ginerbiyos siya pagkasayod niyang si Piolo ang iyang makauban.
“I was nervous to work with him, nakaka-pressure. Kasi hindi ko lang makatrabaho si Papa P magiging partner ko pa siya,” ni Janella kinsa nidala sa papel nga doktor ug fiance sa present karakter ni Piolo sa “Mallari.”
Ang una ug bugtong pelikula ni Piolo sa MMFF niadtong 2002 pa sa pelikulang “Dekada 70” diin siya nidaug nga Best Supporting Actor. Makuha na kaha ni Piolo ang Best Actor Award sa MMFF ning higayona? Abangan!