Sila tanan nipanaw human nigawas sa hit teleseryeng FPJ’s Ang Probinsyano. Ug karon nga nagselebrar ang Batang Quiapo sa una nilang anibersaryo, duna na say laing kinabuhi ang nakalas. Malas ba o sulagma lang?
SUSAN ROCES: Nakit-an nga wala nay kinabuhi tungod sa cardiac arrest. Si Susan nga nidala sa papel nga “Lola Flora” ni Coco Martin namatay sa edad nga 80 niadtong Mayo 20, 2022.
RONALDO VALDEZ: Napalgan nga dunay pinusilan ang ulo. Si Ronaldo nga lider sa usa ka sindikato sa FPJ’s Ang Probinsyano nipanaw sa edad nga 76 niadtong December 17, 2023.
EDDIE GARCIA: Bisan sa edad nga 90 aktibo pa unta si Manoy. Apan human siya gipatay sa Ang Probinsyano, nibalhin siya sa GMA nga nahimong signus sa iyang katapusan niadtong 2019.
JACLYN JOSE: Sa ka kalit sa mga panghitabo, gi-cremate dayon ang aktres usa ka adlaw human nakit-an ang iyang patayng lawas. Ang Batang Quiapo usa katuig na niadtong Pebrero 13.
TOTO NATIVIDAD: Siya ang usa sa mga unang direktor sa FPJ’s Ang Probinsyano. Apan natakdan sa Covid-19 nga maoy nitapos sa iyang kinabuhi sa edad nga 63 niadtong 2021.
RICO J. PUNO: Usa katuig human nigawas sa Ang Probinsyano, ang Macho Guwapito singer nakabsan sa heart failure sa edad nga 65 niadtong 2018.
KRISTOFER KING: Markado ang papel ni King sa Ang Probinsyano niadtong 2017. Apan nipanaw sa kumplikasyon sa diabetes niadtong 2019 sa edad nga 36. Si King produkto sa indie films ni Brillante Mendoza.
ROBERT AREVALO: Ang Probinsyano ang katapusan niyang teleserye niadtong 2018 isip si “Lolo Efren” sa wala pa ni mopanaw sa edad nga 85 tungod sa Parkinson’s Disease.
TONY MABESA: Ang legendary theatre actor nidala nga pari niadtong 2015. Nitaliwan sa edad nga 84 niadtong 2019. Ang rason sa iyang kamatayon wala gipublikar.
SPANKY MANIKAN: Nigawas nga “Tatay Estong” niadtong 2016 ug namatay sa lung cancer pag-2018 sa edad nga 75. Si Manikan ang real-life husband ni Susan Africa nga naa sab karon sa Batang Quiapo.
LITO LEGASPI: Mahinumdoman isip si Jonathan Wu sa Ang Probinsyano niadtong 2017. Si Legaspi nipanaw sa edad nga 77 niadtong 2019 tungod sa cardiac arrest.
SOXY TOPACIO: Ang komedyanteng actor-writer-direktor nabugtoan usa katuig human siya nigawas sa Ang Probinsyano sa edad nga 65 tungod sa lung cancer niadtong 2017. / Mga litrato sa FB, IG