Ang Department of Health subling nagpahimangno nga makamatay ang pagpanigarilyo ug ang vaping. Kon naa gihapon ang inyong kahidlaw sa maong bisyo, basaha ni nga hinaot makahatag og inspirasyon sa inyong pagbag-o.
VICE GANDA
Usa si Vice Ganda sa mga nailang smoker ug manginomay sa showbiz. Apan 5 years ago, proud niyang gianunsyo nga wala na siya manigarilyo pa ug okasyon na lang kon moinom. “Ano yun, step by step. Magbabagong buhay na talaga ako because I want to live longer for my loved ones,” ni Vice atol sa It’s Showtime.
CHITO MIRANDA
Sa Facebook post, gipaambit sa bokalista sa Parokya ni Edgar nga Grade 6 pa lang manigarilyo na siya. Dili sab ni kakanta kon dili makapabulhot og aso. Apan dihang nabuntis sa una nilang liwat ang iyang misis, diha siya nakahukom nga undangon ni alang-alang sa iyang pamilya.
SUE RAMIREZ
Sa IG post sa Hulyo 4, 2025, gianunsyo ni Sue nga buwan kapin na siyang wala na mag-vaping. Dili na sab siya moinom og kape ug softdrink. Aduna ra siyay simhuton nga flavored inhaler isip alternative sa vaping. “Kailangan lang natin panindigan kung gusto natin ng pagbabago,” paambit pa niya.
RICA PERALEJO
Sa guesting sa Pinoy MD, nikumpisal si Rica nga 16 anyos pa lang kusog na siyang manabako ug moinom. Nagpa-breast implants sa edad nga 18. Apan human na-diagnosed nga may samad ang iyang tinai, dinhi siya nakaamgo sa iyang mga sayop. Karon, usa na siya sa mga inspirasyon sa health and fitness sa showbiz.
KYLIE PADILLA
Wala gililong sa Sparkle primetime actress sa iyang 2023 IG post nga grabe sab siya manigarilyo ug kusog moinom labi na kon ma-stress. “I used to be a chain smoker. I gave up totally 2 years ago.” Nunot niini iyang gi-post ang litrato sa baso nga dunay `tea bag’ nga iyang gihulagway nga maoy nagpa-relax niya.
ELLEN ADARNA
Nikabat pa og 17 katuig una nakabiya sa hingpit si Ellen sa panigarilyo. Ang nahimo niyang turning point dihang gikasal siya ni Derek Ramsay niadtong 2021. Sa tinguhang makabaton na sila og anak, niadtong 2023 gibiyaan ni Ellen ang tanan niyang bisyo. Niadtong Oktubre nanganak ni sa mahimsog nga batang si Baby Liana. / Mga litrato gikan sa FB, IG