Ciar: Ilailaha ang top 12 artists sa The Voice Teens

Super Ka!
Ciar: Ilailaha ang top 12 artists sa The Voice Teens

Nakumpleto na gyud nilang Coach Martin, Coach KZ ug Coach Bamboo ang Top 12 ar­tists aron maoy moabante sa Live Shows sa The Voice Teens Philippines Season 3 karong Mayo 4 ug 5 nga makita sa Kapamilya Channel, Kapamilya Online Live, A2Z ug TV5. Gawas sa musika, basaha ang uban nilang mga interes sa kinabuhi.

MART-TEAM (MARTIN NIEVERA)

Colline Salazar, 15 anyos, Las Pinas. Si Colline sakop og choir ug mahilig sa Broadway songs. Usa siya ka hairclip collector ug aduna siyay upat ka mga iro nga nagsilbi niyang stress reliever.

Wendy Figura, 15, Sta. Rosa, Laguna. Si Wendy adunay lima ka mga iring sa balay. Mahilig ning magpinta. Gawas nga academic achiever, siya ang pambato sa ilang eskuwelahan sa duwang badminton.

Steph Lacuata, 16, Oriental Mindoro. Si Steph ganahan maggitara bisan nagbantay siya sa ilang karenderya. Aduna siyay composition nga giulohan og “Aking Mundo.”

Sofie Pangilinan, 15, Bulacan. Si Sofie usa ka dog trainer ug animal lover. Mahilig ning magluto, mag-make-up, magduwa’g lawn tennis ug online games.

KAMP KAWAYAN (BAMBOO MAÑALAC)

Antonette Sison, 16, Batangas city. Si Antonette hilig mag-make-up bisan naa ra sa balay. Big fan siya sa “Stranger Things” sa Netflix. Nigamay ang iyang kaon sa kakulba nga hapit na ang live show.

Jillian Pamat, 15, Bukidnon. Si Jillian usa ka certified kontesera aron makatabang sa pamilya. Aduna siyay phobia sa dagat kay hapit siya malumos niadto.

Maelynn Rapista, 17, Cabu­yao, Laguna. Si Maelynn naila sa Tiktok tungod sa iyang mga dance video nga nag-trending. Maayo ni motukar og Ukulele ug Kalimba.

Nicole Olivo, 15, Laguna. Si Nicole motukar og Bandurria, honor student ug scriptwriter sa ilang eskuwelahan. Usa siya ka Swiftie fan ug pinakapaborito niya ni Taylor Swift ang “Long Live.”

TEAM SUPREME (KZ TANDINGAN)

Bianca Ilagan, 17, San Pablo, Laguna. Dili ikahibong kon gawas sa pagkanta, nahilig usab si Bianca sa modelling ug beauty pageants tungod sa iyang gitas-on nga 5’8”. Paborito niyang sport ang ice skating.

Hargie Valirose Ganza, 16, Calamba, Laguna. Paboritong pastime ni Hargie ang pagsayaw ug ang K-drama movies. Stress reliever niya ang iyang little brother nga pirmi niya paraygan, “choi pa-kiss naman.”

Yen Victoria, 16, Meycauayan, Bulacan. Si Yen usa ka band vocalist, songwriter, guitarist ug pianist. Sakup siya sa choir sa ilang eskuwelahan.

Pia Carandang, 16, Tanauan, Batangas. Si Pia sakop og banda ug consistent honor student. Pangpakalma niya ang pagkaon og sweets ug desserts.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph