Natawo ka ba sa Pebrero 29 o Leap Day nga kausa ra mahitabo sa matag-upat katuig? Ayaw kabalaka kay wala ka mag-inusara. Tan-awa kinsa ang imong mga kadungan nga magselebrar karong adlawa.
MILAN MELINDO / Boxer
(Tupad niya ang Pambansang Kamao Manny Pacquiao)
Mag-unsa si “El Metodico” sa iyang adlawng natawhan?
“Mag-ampo ug magpasalamat sa Ginoo sa paghatag og higayon kanako nga mabuhi diri sa kalibutan, ug paghatag sa mga grasya kon unsa man naa nako karon. Sama sa abilidad sa pamoksing, maayong panglawas, ug paghatag sa maayong kauban sa kinabuhi,” ang tubag sa boxing champ sa interbyo sa Superbalita Cebu.
“Pasalamat sa Ginoo sa tanang experience nga akong naagian sa kinabuhi, nga na-overcome nako for 36 years since I was born into this wonderful world. Tanan dungog ug himaya ibalik sa atong Ginoo. Life is too short and life is too boring without the presence of God,” dugang pa ni Melindo kinsa natawo sa Pebrero 29, 1988.
MARK SANCHEZ
Politician
“Celebrating my birthday once in four years is always special. It is always an exciting time. Karon pa gyud nga Year of the Dragon. It is a double treat for me,” matod ni Barangay Paknaan Councilor Mark Anthony Sanchez sa Superbalita Cebu kinsa 36 anyos na karong adlawa.
“Nag-hold na ko og various Outreach Programs (health and education) to celebrate my birthday. Pero I will be celebrating my birthday, maybe with an intimate dinner to the closest to my heart,” dugang ni Sanchez nga gikan sa inilang pamilya sa mga politiko sa Mandaue City. Lakip sa iyang mga hilig ang magduwa og basketball ug biking.
FRANKIE LIM
PBA Coach
Sa dihang PBA rookie pa niadtong 1982, kalima giselebrar ni Lim ang iyang tinuod nga birthday nga nakapahimo niyang “youngest player.” Si Lim nga maoy head coach karon sa NLEX Road Warriors natawo sa Pebrero 29, 1960.
RAKHEE THAKRAR / Actress
Sa Hollywood, ang British actress nga si Rakhee Thakrar ang pinakauwahing leap year baby nga nisikat human siya nigawas sa pelikulang “Wonka” sa miaging tuig. Si Rakhee unang nakahimo og kasikas sa Netflix comedy-drama nga Sex Education. Karong Pebrero 29 mao ang iyang ika-40 nga kasumaran.
JOHNNY DELGADO
Actor
Ang legendary actor nitaliwan sa edad nga 61 niadtong November 19, 2009 human sa usa katuig nga pakigbatok sa lymphoma cancer. Padayon siyang gihandom sa iyang pamilya labi na karong Pebrero 29 nga maoy iyang actual birth anniversary.
FREDDIE SANTOS
Director
Si Freddie Santos mao ang beteranong concert ug theatre director, ug long time-mentor-teacher ni Lea Salonga. Ang theatre icon mao sab ang nag-composed sa OPM classic hits “Point of View” ug “Yakapin Mo Ako.” Si Santos natawo sa Pebrero 29, 1956 ug nipanaw niadtong December 17, 2020 tungod sa kumplikasyon sa diabetes. / MGA LITRATO GIKAN SA INSTAGRAM, FACEBOOK